Trampın FES şurasını müttəfiqləri ilə doldurmaq planı baş tutmaya bilər

ABŞ Prezidenti Donald Trampın Federal Ehtiyat Sisteminin (FES) Qubernatorlar Şurasını öz müttəfiqləri ilə doldurmaq cəhdi nəticəsiz qala bilər.

"PostMedia" "Axios"a istinadən xəbər verir ki, Tramp prezidentliyi dövründə Bayden administrasiyasının təyin etdiyi qubernatorları, hətta səlahiyyət müddətləri bitməmiş, tərəfdaşları ilə əvəz etmək istəyini dəfələrlə ortaya qoyub.

Tramp qubernator Liza Kuku vəzifəsindən uzaqlaşdırmağa və ya yeddi üzvlü şurada Bayden dövründən qalan digər üç üzvü kənarlaşdırmağa nail olsa belə, Senat administrasiyadan kifayət qədər müstəqil saymadığı namizədləri çox güman ki, bloklayacaq. Nəşrin qeyd etdiyinə görə, Senatda çoxluq Demokratlardadır.

Prezident Kuku ipoteka saxtakarlığı iddiası ilə işdən çıxarmağa çalışır. Onun səlahiyyət müddəti 2038-ci ilədək davam edir. Bu cəhd hələlik məhkəmələr tərəfindən əngəllənib. Ağ Ev isə gələn ay bu iddialarla bağlı dinləmə keçirməyi planlaşdırır.

"Axios" xatırladır ki, bu şəxslərin səlahiyyət müddətlərinin sonunadək vəzifədə qalması mövcud presedentə uyğun gəlmir. Son onilliklərdə FES-də qubernator yerləri xeyli müntəzəm dəyişib, xüsusilə sədr və ya sədr müavini kimi fəaliyyətin başa çatmasından sonra.

Qubernator namizədlərinin irəli çəkilməsi Senatın Bank Komitəsinin səlahiyyətindədir. Komitəyə Senator Elizabet Uorrenin rəhbərlik edəcəyi bildirilir. O, FES-in sədri Kevin Uorşu administrasiyanın "kuklası" adlandıraraq tənqid edib.