Səfərbərlik və Hərbi Xidmətə Çağırış üzrə Dövlət Xidməti həkim və tibb işçiləri axtarır

Səfərbərlik və Hərbi Xidmətə Çağırış üzrə Dövlət Xidməti bir sıra ixtisaslar üzrə həkim mütəxəssisləri və tibb işçilərini işə qəbul etmək niyyətindədir.

"PostMedia" xəbər verir ki, vakansiyalar həkim-otorinolarinqoloq, həkim-oftalmoloq və həkim-cərrah vəzifələri ilə yanaşı, elektrokardioqrafiya, exokardioqrafiya və elektroensefaloqrafiya-funksional diaqnostika sahələrini əhatə edir.

Vakansiyalar üzrə müraciət etmək istəyənlər [email protected] elektron poçt ünvanına yaza və ya elektron anketi doldura bilərlər. Müraciət zamanı şəxsiyyət vəsiqəsinin fərdi identifikasiya nömrəsinin yazılması mütləqdir.

Namizədlərin seçimi zamanı kliniki təcrübəsi olanlara üstünlük veriləcək.

Ətraflı məlumat üçün 9100 "Çağrı" mərkəzi ilə əlaqə saxlamaq mümkündür.