Kreml regionlardan 409 min müqaviləli hərbçi cəlb edir

Kreml Rusiyanın regionlarına ilin sonunadək 409 min müqaviləli hərbçi cəlb etmək tapşırığı verib.

"PostMedia" xəbər verir ki, bu barədə "Financial Times" mənbələrə istinadən yazır.

Mənbələrin məlumatına görə, planın yerinə yetirilməsi üçün hakimiyyət yerli məmurlara təzyiqi artırıb və eyni zamanda yeni səfərbərlik dalğasının elan edilməsindən yayınmağa çalışır.

Nəşrin qeyd etdiyi kimi, yeni müqaviləli hərbçilər əsasən təlim keçmiş ehtiyat qüvvələrinin formalaşdırılması üçün deyil, cəbhədəki itkilərin yerinin doldurulması üçün istifadə olunur. Rusiya ordusunun şəxsi heyətinin artırılması istiqamətində davamlı səylərə baxmayaraq, Ukraynada hücumların tempi aşağı olaraq qalır. (Financial Times)