“Kommersant”: Putin, Əliyev və Paşinyan əvvəlcədən elan edilməyən görüş keçiriblər

Rusiya Prezidenti Vladimir Putin, Azərbaycan Prezidenti İlham Əliyev və Ermənistanın Baş naziri Nikol Paşinyan Türkmənistanda Xəzər sammitindən sonra qapalı görüş keçiriblər.

"PostMedia" xəbə verir ki, bu barədə “Kommersant” qəzeti yazıb.

“Görüş əvvəlcədən elan edilməmişdi və təxminən 15 dəqiqə davam edib. Görüşün keçirilməsi ilə bağlı razılaşmanı Rusiya Prezidentinin köməkçisi Yuri Uşakov əldə edib. MDB ölkələri liderlərinin geniş tərkibdə keçirilən iclasının qapalı hissəsində o, bu məsələ ilə bağlı Nikol Paşinyan və İlham Əliyevlə ayrıca söhbət edib.

Ermənistanın baş naziri Xəzər sammitində iştirak etməyib, lakin Vladimir Putin və İlham Əliyevlə görüşmək üçün sammitin başa çatmasını gözləyib.

Vladimir Putinin Türkmənistana səfərindən əvvəl Yuri Uşakov Rusiya Prezidenti ilə Nikol Paşinyan arasında görüşün nəzərdə tutulmadığını bildirmişdi. Bununla belə, Rusiya Prezidentinin köməkçisi tədbir çərçivəsində onların təmaslarının mümkünlüyünü istisna etməmişdi”, – nəşr yazır.