Portuqaliyalı futbolçu Kristiano Ronaldu britaniyalı kinorejissor Metyu Von ilə birgə futbolun biznes tərəfini əks etdirən dram serialının istehsalına başlandığını elan edib.
"PostMedia" "Anadolu Agentliyi"nə istinadən xəbər verir ki, serial "Day 1s" adlanır və istehsalın başlanması barədə məlumat Ronaldunun sosial şəbəkədəki paylaşımında yerləşdirilib.
"Day 1s" CR7 ləqəbi ilə tanınan futbolçunun Metyu Von ilə birlikdə yaratdığı "UR·MARV Studios"un ilk böyük layihələrindən biridir. Studiya məhz bu iki şəxsin əməkdaşlığı əsasında qurulub.
Serial futbolun, xüsusilə onun biznes tərəfinin necə işlədiyini əks etdirən dram janrında hazırlanır. Layihənin ümumi tərkibi və buraxılış tarixi barədə mənbələrdə əlavə məlumat verilməyib.