Nazirlər Kabinetinin 2023-cü il 28 dekabr tarixli 485 nömrəli Qərarı ilə təsdiq edilmiş, dövlət orqanlarının (qurumlarının) və yerli özünüidarəetmə orqanlarının istifadə etməli olduqları texnoloji avadanlığa və proqram təminatına dair tələblərə uyğunluğun müəyyənləşdirilməsi Qaydasının 1.2-ci bəndində dəyişiklik edilib.
"PostMedia" xəbər verir ki, Nazirlər Kabineti bu barədə qərar qəbul edib. Qərar Azərbaycan Respublikası Konstitusiyasının 119-cu maddəsinin səkkizinci abzasına əsasən verilib.
Dəyişikliyə görə, Qaydanın 1.2-ci bəndindən İnnovasiya və Rəqəmsal İnkişaf Agentliyinin fəaliyyətinin təmin edilməsi ilə bağlı Prezidentin 2022-ci il 21 oktyabr tarixli 1862 nömrəli Fərmanının 3.1-ci bəndinə istinad edən ifadə çıxarılır. Həmin ifadə eyni zamanda Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin yaradılması və fəaliyyəti ilə bağlı 2018-ci il 6 noyabr tarixli 325 nömrəli və 2019-cu il 22 fevral tarixli 545 nömrəli fərmanlara dəyişiklik edilməsinə işarə edirdi.
Qərar 2026-cı il noyabrın 18-də Bakıda imzalanıb.