ABŞ Dövlət katibi Marko Rubio son dövrdə baş verən texniki nasazlıqların bir-biri ilə və ya kiberhücumlarla əlaqəli olduğuna dair heç bir sübut olmadığını bildirib.
"PostMedia" "Anadolu Agentliyi"nə istinadən xəbər verir ki, bu barədə Marko Rubio jurnalistlərə açıqlama verib.
Rubionun sözlərinə görə, Microsoft, Federal Aviasiya İdarəsi (FAA) və bank sistemində yaşanan nasazlıqlar bir-biri ilə əlaqəli deyil və bu hadisələr arasında kiberhücumla bağlılığı göstərən heç bir dəlil yoxdur.
"Interfax" agentliyinin yaydığı məlumata görə, Rubio həmçinin qeyd edib ki, bu nasazlıqların arxasında xarici hökumətlərin düşmən hakerləri dayanmır.
"Biz bu hadisələrə çox ciddi yanaşırıq. Əlbəttə, biz həmişə ehtiyatlıyıq", — deyə Rubio bildirib.