İlham Əliyev: "44 gün ərzində Siz - əziz qardaşım və qardaş türk xalqı bizim yanımızda idi"

Prezident İlham Əliyev Şuşanın azad edilməsinin həm böyük rəmzi məna daşıdığını, həm də İkinci Qarabağ müharibəsinin önəmli hissələrindən biri olduğunu bildirib.

"PostMedia" xəbər verir ki, dövlətimizin başçısı bu fikirləri Şuşada Türkiyə Prezidenti Rəcəb Tayyib Ərdoğanla mətbuata bəyanatında səsləndirib.

"44 gün ərzində Siz - əziz qardaşım və qardaş türk xalqı bizim yanımızda idi", - deyən Prezident vurğulayıb ki, müharibənin ilk saatlarında Rəcəb Tayyib Ərdoğanın verdiyi bəyanat və onun telefon söhbəti bütün dünyaya qardaş Türkiyənin Azərbaycanın yanında olduğunu göstərdi.

Noyabrın 8-də Şuşada İlham Əliyevin Rəcəb Tayyib Ərdoğanla təkbətək görüşü keçirilib. Daha sonra dövlət başçıları mətbuata bəyanatlarla çıxış ediblər.