Tramp: "Ukrayna üzrə böyük razılaşma bütün Avropanı əhatə edə bilər"

ABŞ Prezidenti Donald Tramp Ukraynada müharibənin sona çatdırılması ilə bağlı "böyük" razılaşma əldə olunacağını və bu razılaşmanın bütün Avropanı əhatə edə biləcəyini bildirib.

"PostMedia" Donald Trampnə istinadən xəbər verir ki, Tramp bu sözləri Ağ Evdə səsləndirib.

"Razılaşma olacaq, bu, böyük razılaşma olacaq. O, təkcə Ukraynaya aid olmayacaq, hətta deyərdim ki, bütün Avropanı əhatə edə bilər", — deyə ABŞ lideri bildirib.

Tramp müharibənin həllinin yaxın olduğunu da vurğulayıb. Onun sözlərinə görə, Ukraynadakı münaqişə insanların kütləvi şəkildə həlak olduğu faciədir.

"Bu, qanlı qırğındır və dayandırılmalıdır", — deyə Tramp əlavə edib.