Ermənistan hökuməti TRIPP üçün parlamentin növbədənkənar iclasını təklif edib

Ermənistan hökuməti Milli Məclisin noyabrın 12-də növbədənkənar iclasının çağırılmasını təklif edib.

"PostMedia" Ermənistan KİV-lərinə istinadən xəbər verir ki, iclasın gündəliyinə Səhmdar Cəmiyyətləri haqqında Qanuna və əlaqəli qanunvericilik aktlarına dəyişiklik edilməsi barədə qanun layihəsi daxil edilib.

Qanunvericilik paketi dövlətin 25 % və daha çox payının olduğu, ratifikasiya edilmiş beynəlxalq sazişlər əsasında yaradılan bütün şirkətlərə şamil olunan daimi hüquqi çərçivənin müəyyən edilməsini nəzərdə tutur.

Təklif olunan dəyişikliklərin məqsədi Beynəlxalq Sülh və İnkişaf üçün Tramp Marşrutu (TRIPP) layihəsinin icrasını asanlaşdırmaqdır.