“Sabah”ın tarixində ilk - UEFA Avropa Liqasının əsas mərhələsində

“Sabah” klubu tarixində ilk dəfə UEFA Avropa Liqasının əsas mərhələsində mübarizə aparacaq.

“PostMedia” xəbər verir ki, buna komandanın UEFA Çempionlar Liqasında "pley-off" mərhələsinə yüksəlməsi imkan verib.

Azərbaycan çempionu Çempionlar Liqasının təsnifat mərhələsində Danimarkanın “Orhus” klubunu mübarizədən kənarlaşdırıb. İlk görüşdə səfərdə 1:2 hesabı ilə məğlub olan “Sabah” cavab qarşılaşmasında inamlı oyun nümayiş etdirərək rəqibini 4:0 hesabı ilə məğlub edib.

Beləliklə, “Sabah” klubu tarixində ilk dəfə UEFA Avropa Liqasının əsas mərhələsində çıxış etmək hüququ qazanıb.