Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilən dəyirmi masada iştirak edib.
"PostMedia" AZƏRTAC-a istinadən xəbər verir ki, dəyirmi masa "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusuna həsr olunub.
Zirvə toplantısına İrlandiya ev sahibliyi edir. Tədbirin ümumi mövzusu "Avropa – güclü, təhlükəsiz və bir-biri ilə bağlı" ("Europe – strong, secure and connected") kimi müəyyənləşdirilib. Dublinə 50-dən çox Avropa ölkəsinin və qurumunun liderləri toplaşıb.

