Noyabrın 15-də Bakıda və Abşeron yarımadasında hava dəyişkən buludlu və əsasən yağmursuz keçəcək.
"PostMedia" Milli Hidrometeorologiya Xidmətinə istinadən xəbər verir ki, axşam bəzi yerlərdə yağış yağa bilər. Mülayim cənub-qərb küləyi günün ikinci yarısından güclü şimal-qərb küləyi ilə əvəz olunacaq.
Havanın temperaturu gecə 10-14, gündüz 16-21 dərəcə isti olacaq. Atmosfer təzyiqi 759 mm civə sütunundan 766 mm civə sütununa yüksələcək, nisbi rütubət isə 60-70 % təşkil edəcək.
Ölkənin rayonlarında da hava əsasən yağmursuz keçəcək, lakin axşam şimal və qərb rayonlarından başlayaraq bəzi yerlərdə arabir yağış gözlənilir. Ayrı-ayrı yerlərdə yağışın intensivləşəcəyi, şimşək çaxacağı, dağlıq ərazilərdə qar yağacağı ehtimal edilir. Bəzi yerlərdə arabir duman olacaq, mülayim qərb küləyi arabir güclənəcək.
Rayonlarda havanın temperaturu gecə 9-14, gündüz 18-23 dərəcə isti olacaq. Dağlarda gecə 0-3 dərəcə şaxta, gündüz isə 8-13 dərəcə isti gözlənilir.