Ramiz Mehdiyevin qızı Kamilə Əliyevanın vəkili Raman Abışov barəsində 4 aylıq həbs qətimkan tədbiri seçilib.
"PostMedia" "Qafqazinfo"ya istinadən xəbər verir ki, vəkil Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi tərəfindən saxlanılıb.
Hədə-qorxu ilə tələb etməkdə ittiham olunan Raman Abışov bu gün məhkəməyə çıxarılıb. Hakimin qərarı ilə onun barəsində 4 aylıq həbs qətimkan tədbiri seçilib.
Qeyd edək ki, Raman Abışov dövlətə xəyanət və digər ağır cinayətlərdə ittiham olunan Ramiz Mehdiyevin qızı Kamilə Əliyevanın vəkili olub. O, Kamilə Əliyevanın əmlak məsələləri ilə bağlı hüquqlarını müdafiə edirdi.