Noyabrın 12-də polis 53 cinayətin açılmasını təmin edib, 130 axtarışda olan şəxs saxlanılıb.
"PostMedia" Daxili İşlər Nazirliyinə istinadən xəbər verir ki, açılmış cinayətlərin 45-i cari, 8-i isə əvvəlki dövrlərə aiddir.
Saxlanılan 130 axtarışda olan şəxsin 96-sı borclu şəxsdir. Bundan əlavə, cinayət törətməkdə şübhəli bilinən 50 nəfər, dələduzluğa görə axtarışda olan 12 nəfər saxlanılıb.
Gün ərzində itkin kimi axtarılan 5 şəxs tapılıb.
Polis 20 narkotik və 7 qanunsuz silah-sursat faktı aşkarlayıb. 2 avtomat silahı, 13 tüfəng, 2 patron darağı və 60 ədəd müxtəlif çaplı patron aşkar edilərək götürülüb.