Şuşada İlham Əliyev və Rəcəb Tayyib Ərdoğanın təkbətək görüşü keçirilib

Noyabrın 8-də Şuşada Azərbaycan Prezidenti İlham Əliyevin Türkiyə Prezidenti Rəcəb Tayyib Ərdoğanla təkbətək görüşü keçirilib.

"PostMedia" AZƏRTAC-a istinadən xəbər verir ki, Rəcəb Tayyib Ərdoğan Azərbaycana rəsmi səfərə gəlib.

Görüşdən əvvəl Şuşada Türkiyə Prezidentinin rəsmi qarşılanma mərasimi olub. Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Sonra Azərbaycan və Türkiyə prezidentləri mətbuata bəyanatlarla çıxış ediblər. İlham Əliyev çıxışında Türkiyə-Azərbaycan birliyinin sabitlik, əməkdaşlıq və təhlükəsizlik faktoru olduğunu bildirib.

Azərbaycan lideri Zəfər Günündə Ərdoğanın Azərbaycan xalqı ilə bərabər olmasının bütün ölkə əhalisini sevindirdiyini də vurğulayıb.