Hörmüz boğazından gündə 20 milyon barel neft daşınır - CENTCOM

Hazırda Hörmüz boğazından kommersiya malları və enerji daşıyıcıları, o cümlədən 20 milyon barel xam neft daşıyan gəmilərin hərəkəti davam edir.

"PostMedia" xəbər verir ki, bu barədə ABŞ Silahlı Qüvvələrinin Yaxın Şərq üzrə Mərkəzi Komandanlığı (CENTCOM) məlumat yayıb.

“ABŞ və regiondakı tərəfdaşları boğaza tam nəzarət edir”, - deyə məlumatda bildirilir.

Qurum İran İslam İnqilabı Keşikçiləri Korpusunun (İİKK) generalının daha əvvəl verdiyi, guya “Hörmüz boğazının bağlandığı” və İranın “ona tam nəzarət etdiyi” barədə açıqlamasını yalan adlandırıb.