Saar: "Kolumbiya gələn həftə Qüdsdə səfirlik açacaq"

Kolumbiya gələn həftə Qüdsdə səfirlik açacaq.

"PostMedia" AFP-yə istinadən xəbər verir ki, bunu İsrailin xarici işlər naziri Gideon Saar bildirib.

“Gələn çərşənbə günü Kolumbiyanın səfirliyini açacağıq”, — deyə Saar konfransda bildirib.

Onun sözlərinə görə, Konqo Demokratik Respublikası da “çox yaxın zamanda” Qüdsdə səfirliyini açacaq.

İsraildə xarici ölkələrin səfirliklərinin böyük hissəsi hələ də Təl-Əvivdə yerləşir. Diplomatik nümayəndəliklərin Qüdsə köçürülməsi şəhərin statusu və İsrail-Fələstin münaqişəsi ilə bağlı siyasi baxımdan həssas məsələ olaraq qalır.

Beləliklə, Kolumbiya səfirliyini Qüdsdə yerləşdirən ölkələr sırasına qoşulacaq.