"Arsenal" "Liverpool"u məğlub edib və İngiltərə çempionatında təkbaşına lider olub

"Arsenal" İngiltərə Premyer Liqasının oyununda səfərdə "Liverpool"u 1:0 hesabı ilə məğlub edib.

"PostMedia" xarici KİV-lərə istinadən xəbər verir ki, görüşün yeganə qolunu Kay Havertz vurub. Bu qol London klubuna "Enfild" stadionunda 14 ildən sonra ilk qələbəni qazandırıb.

"Arsenal" bu nəticədən sonra "Mançester Siti"dən üç xal irəli keçərək turnir cədvəlinin təkbaşına liderinə çevrilib. Son iki mövsümün çempionları arasındakı görüş mübarizəli keçib.

"Sky Sports"un məlumatına görə, ev sahibləri aydın penalti kimi görünən epizodda cərimə zərbəsi qazana bilməyib. "BBC Sport" isə "Liverpool"un qapıçısı Alisson Bekkerin oyundakı çıxışının ev sahiblərinə baha başa gəldiyini yazıb.

Foto: John Jones from Rhos on Sea, (Colwyn Bay)., Wales, CC BY-SA 2.0