Mask "Binance"in sındırılmasına "sıfırıncı gün" ifadəsi ilə münasibət bildirib

"Tesla" və "SpaceX" şirkətlərinin rəhbəri İlon Mask "Binance" kriptobirjasının sındırılması ilə bağlı fikir bildirərkən "sıfırıncı gün" ifadəsini işlədib.

"PostMedia" "TASS"a istinadən xəbər verir ki, Mask bu ifadə ilə hadisəyə münasibət göstərib.

İnformasiya təhlükəsizliyi sahəsində "sıfırıncı gün" proqram təminatında, əməliyyat sistemində və ya avadanlıqda olan, hələ aradan qaldırılmamış və tərtibatçılara hələ məlum olmayan zəifliyə deyilir.

Mask həmçinin bildirib ki, "Binance"ə hücumda istifadə olunan sxemdən gələcəkdə süni intellekt modelləri də yararlana bilər. Onun sözlərinə görə, müəyyən mərhələdə superintellekt agentləri bunu insan üçün yox, özləri üçün valyuta qazanmaq məqsədilə edəcək.