Ermənistanın Baş naziri: "Sülh müqaviləsi imzalanıb ratifikasiya olunduqda fəaliyyətimi başa vurmaq istəyirəm"

Ermənistanın Baş naziri Nikol Paşinyan sülh müqaviləsi imzalanıb ratifikasiya ediləndən sonra baş nazir kimi fəaliyyətini başa vurmağı qarşısına məqsəd qoyduğunu bildirib.

"PostMedia" xəbər verir ki, Paşinyan bu sözləri cümə axşamı keçirdiyi brifinqdə Nikol Paşinyan saytının sualına cavab verərkən deyib.

"Əgər bu baş verməsə, bunu şəxsi uğursuzluğum hesab edəcəyəm", — deyə Paşinyan əlavə edib.

Onun sözlərinə görə, hər gün diqqəti sülh gündəliyindən yayındıra biləcək müxtəlif məsələlərlə üzləşmək mümkündür.

Eyni zamanda Ermənistanın Baş naziri Azərbaycanla sülh müqaviləsinin imzalanması və ratifikasiyası məqsədinə sadiq qalmaq niyyətini ifadə edib.