Putin Rusiya hökumətində dəyişikliklər edib

Rusiya Prezidenti Vladimir Putin hökumətin tərkibində genişmiqyaslı kadr dəyişikliklərini təsdiqləyib. Dəyişikliklər baş nazir müavinlərinin vəzifələrinə, hökumət aparatına və Nəqliyyat Nazirliyinə şamil olunub.

"PostMedia" Rusiya KİV-lərinə istinadən xəbər verir ki, təsdiqlənən əsas dəyişikliklər bunlardır:

• Yuri Trutnev baş nazirin müavini və prezidentin Uzaq Şərq Federal Dairəsi üzrə səlahiyyətli nümayəndəsi vəzifələrindən azad edilib.

• Oleq Kojemyako baş nazirin müavini və prezidentin Uzaq Şərq Federal Dairəsi üzrə səlahiyyətli nümayəndəsi təyin olunub.

• Dmitri Qriqorenko baş nazirin müavini və hökumət aparatının rəhbəri vəzifələrindən ayrılıb.

• İrina Okladnikova baş nazirin müavini və hökumət aparatının rəhbəri təyin edilib.

• Anton Siluanov maliyyə naziri vəzifəsini saxlamaqla yanaşı, baş nazirin müavini təyin olunub.

• Andrey Nikitin baş nazirin müavini təyin edilib. Bununla əlaqədar o, nəqliyyat naziri vəzifəsindən ayrılıb.

• Dmitri Yadrov, “Rosaviasiya”nın rəhbəri, yeni nəqliyyat naziri təyin olunub.