Mask "Grok"un işləmə xərclərini gəlirə görə dayanıqsız dərəcədə yüksək adlandırıb

xAI şirkətinin rəhbəri İlon Mask "Grok" çatbotunun işə salınması xərclərinin gəlirlə müqayisədə dayanıqsız dərəcədə yüksək olduğunu bildirib.

"PostMedia" "Anadolu"ya istinadən xəbər verir ki, Mask bu sözləri istifadəçinin istifadə limitinin sıfırlanması ilə bağlı xahişinə cavab olaraq səsləndirib.

Qeyd olunur ki, abunəçilər "Grok"un həftəlik istifadə limitinə gözləndiyindən xeyli tez çatdıqlarını bildiriblər. Məhz bundan sonra istifadəçilərdən biri limitin yenilənməsini xahiş edib.

Mənbədə limitlərin dəyişdirilməsi və ya sıfırlanması barədə qərarla bağlı əlavə məlumat verilmir.

Foto: Anadolu Agency