Alimlər sosial şəbəkələrdə manipulyatorları aşkarlamağın yeni üsulunu tapıblar

Alimlər sosial şəbəkələrdə süni intellektdən istifadə etməklə müzakirələri manipulyasiya etmək cəhdlərini müəyyənləşdirmək üçün yeni metod təklif ediblər.

"PostMedia"nın məlumatına görə, “The Conversation” yazır ki, yeni sistem mətnin süni intellekt tərəfindən yaradılıb-yaradılmadığını müəyyənləşdirmək əvəzinə, müəllifin müzakirə zamanı mövzunu hiss olunmadan dəyişməyə çalışıb-çalışmadığını təhlil edir.

Tədqiqatçıların sözlərinə görə, generativ süni intellekt inkişaf etdikcə dezinformasiyanı mətnin üslubuna əsasən müəyyənləşdirmək çətinləşir. Əvvəllər qrammatik səhvlər, qeyri-adi ifadələr və ya süni intellektə xas sözlər mətnin şübhəli olduğunu göstərən əlamətlər hesab olunurdu.

Lakin müasir süni intellekt modelləri artıq demək olar ki, təbii görünən şərhlər yarada bilir. Buna görə də yalnız mətnin dil xüsusiyyətlərinə əsaslanan bu cür göstəricilər əvvəlki qədər effektiv deyil.