XİN İsrailin Dohaya hücumuna münasibət bildirib

Azərbaycan Xarici İşlər Nazirliyi (XİN) İsrailin Qətərin paytaxtı Dohaya hücumuna münasibət bildirib.

"PostMedia" xəbər verir ki, bu barədə Nazirliyin "X" hesabındakı paylaşımda qeyd edilir:

"Biz bu gün Qətərə qarşı həyata keçirilən hücumdan dərin narahatlıq duyuruq, hansı ki, regional gərginliklərin daha da artması riskini daşıyır.

Biz Qətərin suverenliyini və ərazi bütövlüyünü dəstəkləyirik və bölgədə sabitliyi qorumaq üçün diplomatik səylərə üstünlük verilməsinə çağırırıq".