Ceyhun Bayramov Kiyevdə

Azərbaycan Respublikasının xarici işlər naziri Ceyhun Bayramov avqustun 6-da Ukraynaya rəsmi səfərə başlayıb.

"PostMedia" xəbər verir ki, səfər çərçivəsində xarici işlər naziri Ceyhun Bayramovun Ukraynanın xarici işlər naziri Andriy Sıbıqa, eləcə də digər yüksək vəzifəli rəsmilərlə ikitərəfli görüşləri nəzərdə tutulur.

Rəsmi qarşılanma mərasimində Ceyhun Bayramovu Ukraynanın xarici işlər naziri Andriy Sıbıqa qarşılayıb.

Görüşlər zamanı Azərbaycan-Ukrayna münasibətlərinin mövcud vəziyyəti və inkişaf perspektivləri, ikitərəfli əməkdaşlığın müxtəlif istiqamətləri, eləcə də qarşılıqlı maraq doğuran regional və beynəlxalq məsələlər ətrafında fikir mübadiləsi aparılıb.