Peskov Ermənistana Aİİ və ya Aİ üzvlüyü məsələsində seçim etməyə çağırıb

Rusiya Ermənistanın suveren hüququna hörmət edir, lakin İrəvan Avrasiya İqtisadi İttifaqında (Aİİ) və ya Avropa İttifaqında (Aİ) iştirak məsələsində seçim etməlidir, çünki bu birliklərin meyarları bir-biri ilə uyğun gəlmir.

"PostMedia" xəbə veirr ki, bunu Rusiya Prezidentinin mətbuat katibi Dmitri Peskov brifinq zamanı bildirib.

“Biz Ermənistanın bütün suveren hüquqlarına hörmətlə yanaşırıq. Lakin eyni zamanda Ermənistan Aİİ-nin inteqrasiya prosesinin iştirakçısıdır və müxtəlif sahələrdə digər meyarlara tədricən yönəlmək Aİİ-nin standartlarına uyğun gəlməyəcək”, – Kremlin nümayəndəsi qeyd edib.

O əlavə edib: “Seçim etməyin son dərəcə vacib olduğunu deyərkən məhz bunu nəzərdə tuturuq”.

“Və Aİİ-yə üzv ölkələrdən heç birinin hamımız üçün mühüm olan bu inteqrasiya birliyinin qaydaları, standartları və prinsipləri ilə ziddiyyətə düşməməsi çox vacibdir”, – Peskov vurğulayıb.