Makronun müşaviri Putinin köməkçisi ilə danışıqlar aparıb

Fransa prezidenti Emmanuel Makronun əsas diplomatı Emmanuel Bonn ötən gün Moskvada olub və rusiyalı rəsmilərlə danışıqlar aparıb.

"PostMedia" xəbər verir ki, bu barədə "Reuters" müxtəlif mənbələrə istinadən məlumat yayıb.

Birinci mənbə bildirib ki, 2019-cu ildən Makronun diplomatik şöbəsinə rəhbərlik edən Emmanuel Bonn Kremlin rəsmiləri ilə görüşüb.

İki digər mənbə isə qeyd edib ki, təşəbbüs barədə müttəfiqlər məlumatlandırılıb və Bonn Rusiya prezidenti Vladimir Putinin baş köməkçisi Yuri Uşakovla danışıqlar aparıb.

Daha əvvəl Emmanuel Makron jurnalistlərə açıqlamasında Vladimir Putinlə dialoqun bərpası üçün səylərin göstərildiyini bildirmişdi.