Moldova Rusiyadakı səfirini geri çağırıb

Moldova Xarici İşlər Nazirliyi Kroçmaz rayonunda pilotsuz uçuş aparatının düşərək partlaması ilə bağlı baş vermiş insidenti “qətiyyətlə pisləyib”.

"PostMedia" xəbər verir ki, bu barədə yerli KİV məlumat yayıb.

“Moldova Respublikasının suverenliyi və ərazi bütövlüyünün ciddi şəkildə pozulması olan bu insident vətəndaşlarımızın təhlükəsizliyinə təhdid yaradır. Moldova Rusiya Federasiyasının Ukraynaya qarşı apardığı təcavüzkar müharibəni və bunun ölkəmizin, eləcə də bütün regionun təhlükəsizliyi üçün yaratdığı nəticələri pisləyir”, — Moldova Xarici İşlər Nazirliyinin bəyanatında deyilir.

Mənbənin bildirdiyinə görə, bu kontekstdə Xarici İşlər Nazirliyi Moldovanın Moskvadakı səfirini məsləhətləşmələr üçün geri çağırıb.