Tramp: "ABŞ və İran avqustun 3-də danışıqlara başlayacaq"

ABŞ və İran avqustun 3-də danışıqlar aparacaq.

"PostMedia" xəbər verir ki, bunu ABŞ Prezidenti Donald Tramp təyyarəsində jurnalistlərin suallarını cavablandırarkən qeyd edib.

“Onlarla dialoq quracağıq, bu danışıqlar formatında baş tutacaq. Danışıqlar sabah günorta başlayacaq. Mən istərdim ki, belə olsun. Bu, çoxsaylı insanların həyatını xilas edər və xeyli səyin qarşısını alar”, – deyə o əlavə edib.

Tramp xatırladıb ki, daha əvvəl İrana qarşı güclü zərbə endirməyi planlaşdırmışdı.

“Onlar bunu istəmirdilər. Açığını desəm, Səudiyyə Ərəbistanı da bunu istəmirdi. Onlar hesab edirdilər ki, razılaşma artıq yaxındır”, – deyə ABŞ prezidenti vurğulayıb.

Onun sözlərinə görə, müzakirələr əsasən Hörmüz boğazında gəmiçiliyin təhlükəsizliyi və İranın nüvə proqramı ilə bağlı mümkün razılaşmaları əhatə edəcək.