Berlində "Həmas" hücumunun qurbanlarının xatirəsi belə yad edildi

Berlində Brandenburq qapıları önündə, iki il əvvəl "Həmas"ın İsrailə hücumu nəticəsində həlak olanlar və girov götürülənlərin xatirəsinə 1000-dən çox stul yerləşdirilib.

"PostMedia" xəbər verir ki, stullara qurbanların və girovların şəkilləri, adları və yaşları yapışdırılıb, bəzilərinə isə uşaq oyuncaqları qoyulub.

Tədbir zamanı “7.10.23. Ruhları şad olsun” yazılı plakat nümayiş etdirilib.
Almaniyada bu hadisənin ildönümü ilə bağlı müxtəlif şəhərlərdə anım mərasimləri, mitinqlər və nümayişlər keçirilir. Berlində təhlükəsizlik tədbirləri gücləndirilib, polis qüvvələrinin sayı artırılıb.