ABŞ Beynəlxalq Cinayət Məhkəməsinin sədrinə qarşı sanksiya tətbiq edib

ABŞ Beynəlxalq Cinayət Məhkəməsinin (BCM) prezidenti, yaponiyalı hakim Tomoko Akaneyə qarşı sanksiya tətbiq edib.

"PostMedia" xəbər verir ki, bu barədə ABŞ Maliyyə Nazirliyinin saytında yayılan məlumatda bildirilir.

Akane Haaqada yerləşən BCM-ə qarşı Vaşinqtonun sanksiyalarının növbəti hədəfinə çevrilib. ABŞ daha əvvəl də məhkəmənin fəaliyyətinə qarşı dəfələrlə çıxış edib.

Xüsusilə Vaşinqton BCM-nin Qəzza zolağında hərbi cinayətlər törətməkdə ittiham olunan İsrailin Baş naziri Benyamin Netanyahu və ölkənin keçmiş müdafiə naziri Yoav Qallantın həbsinə dair orderlər verməsini pisləyib.

ABŞ həmçinin Əfqanıstanda amerikalı hərbçilərin törətdiyi iddia olunan cinayətlərlə bağlı BCM-nin apardığı araşdırmaya da qarşı çıxır.