Axios: Tramp Makronla şam yeməyi zamanı ABŞ və İran arasında memorandumu imzalayıb

ABŞ Prezidenti Donald Tramp iyunun 17-də ABŞ və İran arasında qarşılıqlı anlaşma memorandumunu elektron qaydada imzalayıb.

"PostMedia" xəbər verir ki, bu barədə mənbələrə istinadən amerikalı jurnalist Barak Ravid "X" sosial şəbəkəsində məlumat verib.

Onun sözlərinə görə, Prezident Tramp sənədin nüsxəsini Fransa Prezidenti Emmanuel Makron ilə birlikdə Versal sarayında keçirilən şam yeməyi zamanı şəxsən imzalayıb.

“İmzalanmış sənədin şəkli İran tərəfinə və vasitəçi ölkələrə göndərilib”, – deyə jurnalist qeyd edib.

Barak Ravid daha əvvəl bildirmişdi ki, Vaşinqton administrasiyası ABŞ və İran arasında imzalanan anlaşma memorandumunun elektron imza anından qüvvəyə mindiyini hesab edir.