Əfqanıstanda cinlərlə telefonla əlaqə saxladığını iddia edən şəxs həbs edilib

Əfqanıstanın Əxlaqın Təbliği və Pis Əməllərin Qarşısının Alınması Nazirliyi rəsmiləri Kabildə bir şəxsi həbs ediblər.

Məlumata görə, həmin şəxs mobil telefon vasitəsilə müştərilərinin “cinləri ilə əlaqə qura bildiyini” iddia edərək insanları aldadıb.

"PostMedia" xəbər verir ki, bu barədə "Pajhwok" xəbər saytı məlumat yayıb.

Şəxs insanlara cinlərin onların taleyini idarə etdiyini inandırıb və “səmavi himayədarlarla əlaqə qurmaq” adı ilə onlardan pul alıb.

Nazirlik bu cür iddiaları İslam prinsiplərinə zidd olan xurafat kimi qiymətləndirib.

Rəsmi məlumatda bildirilir ki, təkcə ötən həftə ölkənin müxtəlif bölgələrində ümumilikdə 24 “cadugər” şübhəsi ilə şəxs saxlanılıb.