Nikol Paşinyan "qudurmuş oliqarxların" ayaqlarını qıracağına söz verib

Ermənistanın Baş naziri Nikol Paşinyan "qudurmuş oliqarxların" ayaqlarını qıracağına söz verib.

"PostMedia" xəbər verir ki, bu barədə o, yanvarın 21-də Ermənistan parlamentinin iclasında deputatların suallarını cavablandırarkən deyib.

Hökumət başçısı vergidən yayınmağa çalışanlar arasında müxalif deputatları və onların ətrafını da qeyd edib:

"Bax, bu məsələ sizi buna görə belə sarsıdıb. Siz oliqarxların qapıları qırıb məmurların kabinetlərinə girməsinə alışmısınız. Biz onların ayaqlarını qıracağıq. Qoy kimsə dövlət orqanlarına və dövlət müəssisələrinə qarşı hörmətsizlik etməyə cürət etsin. Biz onların ayaqlarını qıracağıq", — deyə Paşinyan vurğulayıb.