Tramp Meksika körfəzini öz adının şərəfinə adlandırmaq istəyib

ABŞ Prezidenti Donald Tramp Meksika körfəzini “Tramp körfəzi” adlandırmaq niyyətində olub.

"PostMedia" xəbər verir ki, o, bunu "Ağ Ev"də keçirilən mətbuat konfransında zarafatla deyib.

“Onu "Tramp körfəzi" adlandırmaq istəyirdim. Amma düşündüm ki, buna görə məni öldürə bilərlər”, — deyə o bildirib.

“Mən bunu istəyirdim. Komandam bunun üzərində ciddi işləyirdi”, — deyə Tramp əlavə edib.

ABŞ Prezidenti söylədiyini belə aydınlaşdırıb: “Bunu deyəndə zarafat edirdim. Mən onu Tramp körfəzi adlandırmaq niyyətində deyildim”.

“Baxmayaraq ki, ‘Tramp körfəzi’ yaxşı səslənir”, — deyə ABŞ lideri əlavə edib. — “Bəlkə bunu edə bilərdik. Hələ gec deyil”. “Amma indi bizdə Amerikan körfəzi var. Bu əladır”, — deyə o yekunlaşdırıb.

Tramp 2025-ci ilin yanvarın sonunda andiçmə mərasimindən az sonra Meksika körfəzinin adının Amerikan körfəzi olaraq dəyişdirilməsi barədə sərəncam imzalayıb. ABŞ prezidenti bunu onun “dünyanın ən böyük körfəzi” olması və “Amerika iqtisadiyyatı üçün mühüm əhəmiyyət daşıması” ilə əsaslandırıb. Sərəncamda qeyd olunub ki, yeni ad “bu çiçəklənən iqtisadi mənbənin tanınması və ABŞ iqtisadiyyatı üçün kritik əhəmiyyətinin vurğulanması” məqsədi daşıyır. BMT-də isə bildirilib ki, coğrafi obyektlərin adının dəyişdirilməsi hər hansı bir dövlətin təkbaşına səlahiyyətinə aid deyil.