Ermənistan qarpızsız qalıb

Bu il Gürcüstandan Ermənistana qarpız ixracında kəskin azalma qeydə alınıb.

"PostMedia" xəbər verir ki, yerli KİV-lərin yaydığı məlumata görə, 2026-cı ilin ilk 6 ayında Gürcüstandan 33,6 min dollar dəyərində 67,4 ton qarpız ixrac edilib. Ötən ilin eyni dövrü ilə müqayisədə ixracın dəyəri 88%, həcmi isə 91% azalıb.

Ermənistana qarpız ixracında isə daha böyük geriləmə baş verib.

Belə ki, 2025-ci ilin ilk yarısında Gürcüstandan Ermənistana 221,3 min dollar dəyərində 638,3 ton qarpız ixrac edildiyi halda, 2026-cı ilin eyni dövründə bu göstərici cəmi 7,3 min dollar və 5,4 ton təşkil edib.

Beləliklə, bir il ərzində Ermənistana qarpız ixracının həcmi təxminən 118 dəfə, dəyəri isə 30 dəfə azalıb.