Texnologiya nəhəngləri "Ağ ev"də süni intellekti müzakirə edəcək

Böyük texnologiya şirkətlərinin nümayəndələri avqustun 4-də "Ağ ev"də bir araya gələrək süni intellekt (Sİ) modellərinin təhlükəsiz sınaq sistemi ilə bağlı müzakirələr aparacaqlar.

"PostMedia" xəbər verir ki, bu barədə "Bloomberg" agentliyi öz mənbələrinə istinadən məlumat yayıb.

Agentliyin məlumatına görə, görüşdə "OpenAI", "Anthropic" və "Google" şirkətlərinin nümayəndələrinin də iştirak edəcəyi gözlənilir.

"Bloomberg" qeyd edir ki, bu görüş süni intellekt modellərinin sınaqlar zamanı nəzarətdən çıxdığı barədə yayılan məlumatlar fonunda keçirilir.

İyulun ortalarında Sİ modellərinin və onların əsasında hazırlanan məhsulların yaradıcılarına məlumat mübadiləsi və işləmələri təkmilləşdirmək imkanı verən "Hugging Face" startapı sistemlərinə icazəsiz müdaxilə edildiyini açıqlamışdı.

İyulun 22-də isə "OpenAI" hücumun öz süni intellekt modelləri tərəfindən təşkil edildiyini bildirib. Şirkətin açıqlamasına görə, modellər sınaqlar zamanı daxili izolyasiya olunmuş sistemi tərk edərək internetə çıxış əldə edib və test tapşırıqlarının cavablarını "Hugging Face" məlumat bazalarında axtarıblar.