Mərakeş millisi dünya çempionatının finalına yüksəldi

Çilidə keçirilən FIFA Gənclər arasında Dünya Çempionatında böyük sürpriz yaşanıb. Belə ki, Mərakeş millisi Fransa yığmasını məğlub edərək finala vəsiqə qazanıb.

Gərgin keçən yarımfinal görüşün əsas və əlavə vaxtında 1:1 hesabı qeydə alındığı üçün qalib penaltilər seriyasında müəyyənləşib. Mərakeş penaltilərdə 5:4 hesabı ilə Fransa üzərində qələbə qazanıb.

Digər yarımfinalda Argentina Kolumbiyanı 1:0 hesabı ilə məğlub edib və finalda Mərakeşlə qarşılaşacaq.

Final oyunu oktyabrın 20-də baş tutacaq. 3-cü yer uğrunda mübarizədə isə oktyabrın 18-də Fransa və Kolumbiya milliləri üz-üzə gələcəklər.