III MDB Oyunlarında Azərbaycan 4-cü yerdə qərarlaşıb

III MDB Oyunlarının ilk günündə Azərbaycan idmançıları 1 gümüş və 3 bürünc medal qazanıb.

"PostMedia" xəbər verir ki, bununla da Azərbaycan 4-cü yerdə qərarlaşıb.
Üzgüçülük üzrə Süleyman İsmayılzadə 1500 metr sərbəst üsulla üzmə yarışında gümüş medal qazanıb. Daha üç bürünc medalıə isə Mehri Abdurahmanlı, Yegor Maynitski və Cavid Həsənov–Cəmilə Paşayeva (stend atıcılığı, qarışıq komanda) cütlüyünə nasib olub.
Bildirək ki, Siyahıya Rusiya (9 qızıl, 2 gümüş, 2 bürünc) başçılıq edir. Belarus (1 qızıl, 4 gümüş, 3 bürünc) ikinci, Qazaxıstan (3 gümüş, 2 bürünc) üçüncüdür.
İndiyə qədər 4 ölkə təmsilçiləri medal qazanıblar.
Qeyd edək ki, yarışlarda 2400-dən çox idmançı iştirak edir. Oyunlar 8 oktyabrda başa çatacaq.