Yerevanda kuryoz olay: Hindistanlı sürücü Tbilisi prospektində həmyerlisini maşınla vurdu

Bu gün Ermənistanın paytaxtı Yerevanda piyadanın vurulması ilə nəticələnən yol qəzası baş verib.

"PostMedia" yerli KİV-lərə istinadən xəbər verir ki, "Nissan" markalı avtomobil kişi piyadanı vurub.

Sürücü hadisə yerindən qaçmayıb və İrəvanın 103 təcili tibbi yardım xidmətinə məlumat verib. Həkim briqadası yaralıya hadisə yerində ilkin tibbi yardım göstərdikdən sonra onu xəstəxanaya çatdırıb.

Məlumata görə, sürücü və xəsarət alan şəxs Hindistan vətəndaşıdır.

Sürücü sərxoşluq müayinəsindən keçirilib və ayıq olduğu müəyyən edilib.