Ermənistanda məhbus məhkəmədən qaçıb

Avqustun 3-də İrəvandakı məhkəmədən məhbus qaçıb.

"PostMedia" Ermənistanın "Shamshyan.com" saytına istinadən xəbər verir ki, İrəvanın Ümumi Yurisdiksiya Məhkəməsinin Nor Nork rayonundakı binasından saxlanılan şəxs qaçıb.

Hadisədən sonra məhkəməyə Ermənistan Daxili İşlər Nazirliyinin İcma Polisi Baş İdarəsinin Nor Nork şöbəsinin əməkdaşları və Məhkəmə Departamentinin rəsmiləri gəlib.

İlkin istintaqın maraqları naminə məhkəmədən qaçan şəxsin kimliyi hələlik açıqlanmır.