İranda Seyid Əli Xamenei ilə vida mərasimi başlayıb

İranda İslam İnqilabının Ali Rəhbəri, Ayətullah Seyid Əli Xameneinin vida mərasimi başlayıb.

"PostMedia" xəbər verir ki, bu barədə "Press TV" məlumat yayıb.

Mərasim üçün hazırlanmış tabut Tehranda, İmam Xomeyni adına hüseyniyyənin (dini kompleksin) yaxınlığında təşkil olunan vida mərasiminin keçirildiyi əraziyə gətirilib.

Yayımlanan görüntülərdə kortejin əraziyə gəlişi və tabutun vida zonasına aparılması əks olunub.

Xatırladaq ki, anım və vida mərasimlərində dünyanın 100-ə yaxın ölkəsinin nümayəndələrinin iştirak edəcəyi gözlənilir. Onların arasında Azərbaycanın Milli Məclisin spikeri Sahibə Qafarova və Ermənistanın Baş naziri Nikol Paşinyan da var.