ABB-nin sistemi çökdü - kartlarda vəsaitlər silindi

“Azərbaycan Beynəlxalq Bankı” ASC (ABB) sistemində yenidən problem yaranıb.

“PostMedia” xəbər verir ki, bu barədə Bank öz müştərilərinə bildiriş göndərib.

Məlumata görə, nasazlıq nəticəsində Bankın müştərilərinin balansından kütləvi şəkildə vəsaitlərin silinməsi baş verib.

ABB isə qısa zamanda texniki çətinliyin aradan qalxacağını açıqlayıb.

Xatırladaq ki, bir müddət öndə də ABB-yə tabe “Azərikart”da baş verən nasazlıq nəticəsində bank kartlarında problem yaranmışdı və bu səbəbdən Azərbaycan Mərkəzi Bankı (AMB) quruma xəbərdarlıq etmişdi.

Məsələ ilə bağlı “PostMedia” Azərbaycan Mərkəzi Bankına (AMB) sorğu ünvanlayıb.