Ermənistanda yanacaq daşıyan yük maşını qatarla toqquşub, bir nəfər xəstəxanaya yerləşdirilib

Bu gün Bakı vaxtı ilə saat 11:52-də Ermənistanın Armavir vilayəti yaxınlığında yanacaq daşıyan yük maşını qatarla toqquşub.

"PostMedia" Ermənistan KİV-lərinə istinadən xəbər verir ki, ilkin məlumata görə, dizel yanacağı daşıyan yük avtomobili ilə yük qatarı toqquşub. Hadisə nəticəsində yanacaq sızması qeydə alınıb, lakin yanğın əlamətləri müşahidə olunmayıb.

Qəza nəticəsində bir nəfər xəsarət alaraq xəstəxanaya yerləşdirilib.