SEPAH gəmilərə razılaşdırma olmadan Hörmüz boğazından keçməyə cəhd etməmələri barədə xəbərdarlıq edib

İslam İnqilabı Keşikçiləri Korpusu (SEPAH) Hürmüz boğazı ilə bağlı insidentdən sonra gəmilərə razılaşdırma olmadan boğazdan keçməyə cəhd etməmələri barədə xəbərdarlıq edib.

"PostMedia" xəbər verir ki, bu barədə İranın “Al-Alam” peyk telekanalı məlumat yayıb.

“Biz Hörmüz boğazına nəzarəti davam etdiririk və boğazdan keçməyə cəhd edən istənilən gəmiyə qarşı qətiyyətlə hərəkət edəcəyik”, — deyə SEPAH komandanlığına istinadən bildirilən açıqlamada qeyd olunub.

Telekanalın məlumatına görə, daha əvvəl iranlı hərbçilər bir tankerə boğazı keçməyə imkan verməmək üçün atəş açıblar. Hadisə İranın cənubunda yerləşən Sirik şəhəri yaxınlığında baş verib, burada partlayış səslərinin eşidildiyi bildirilir.

Cümə axşamı İranın Fars körfəzinin nəzarət idarəsi (PGSA) Hörmüz boğazının növbəti xəbərdarlığa qədər bütün gəmilər üçün bağlandığını təsdiqləyib.