ABŞ bildirir ki, İsrail istiqamətinə atılan İran raketlərini zərərsizləşdirməyib

ABŞ-dəki rəsmilər İsrail istiqamətinə atılan İran ballistik raketlərinin ABŞ tərəfindən tutulması barədə İsrailin iddiasını təkzib edib.

"PostMedia"nın məlumatına görə, CNN telekanalına danışan ABŞ rəsmisi bildirib ki, ötən gecə atılan İran raketlərindən heç biri Amerika qüvvələri tərəfindən vurulmayıb. Bu, İranla qarşıdurmanın əvvəlki mərhələləri ilə müqayisədə ciddi dəyişiklik kimi qiymətləndirilir — həmin dövrdə ABŞ İsrailə yönələn İran hədəflərinin vurulmasında öz raket əleyhinə sistemlərindən aktiv istifadə edirdi.

Bu təkzib İsrail ordusunun nümayəndəsinin bazar ertəsi etdiyi əvvəlki açıqlama ilə ziddiyyət təşkil edir. Həmin açıqlamada deyilirdi ki, ABŞ İsrailin hava hücumundan müdafiə sistemlərinə yardım göstərib və İran raketlərinin bir hissəsini məhv edib.

Mənbə CNN-ə həmçinin bildirib ki, İsrail hərbi rəhbərliyi gecə boyu ABŞ Silahlı Qüvvələrinin ABŞ Mərkəzi Komandanlığı ilə koordinasiyada olub. Xüsusilə İsrail ordusunun Baş Qərargah rəisi general-leytenant Eyal Zamir iki dəfə CENTCOM rəhbəri admiral Bred Kuper ilə telefonla əlaqə saxlayıb.