Meksika polisi ABŞ-yə uzanan 265 metrlik tunel aşkarlayıb – NYP

Meksika polisi ABŞ-yə gedən böyük bir tunel aşkar edib.

"PostMedia" xəbər verir ki, bu barədə "New York Post" (NYP) məlumat yayıb.

Yeraltı keçid ölkənin şimal-qərbində yerləşən Nueva Tijuana rayonunda federal hüquq-mühafizə orqanlarının keçirdiyi xüsusi əməliyyat zamanı aşkar edilib. Altı metrdən çox dərinlikdə yerləşən tunelin uzunluğu təxminən 265 metrdir. Qurğunun ABŞ ərazisinə qanunsuz keçid üçün nəzərdə tutulduğu bildirilir.

Axtarış zamanı polis əməkdaşları sursat, mobil telefonlar, bank kartları, rəqəmsal videoregistrator və onlarla doza metamfetamin narkotik maddəsi müsadirə ediblər.