Overçuk Ermənistana gedib

Rusiyanın baş nazirinin müavini Aleksey Overçuk Ermənistandadır.

"PostMedia" xəbər verir ki, bu barədə “Azadlıq” radiosu məlumat yayıb.

Onun səfəri və görüşləri ilə bağlı hələlik rəsmi məlumat verilməyib.

O, ötən həftə bəyan etmişdi ki, müəyyən bir mərhələdə Ermənistan Avropa İttifaqı ilə Avrasiya İqtisadi İttifaqı arasında seçim etməyə məcbur qalacaq, çünki hər iki birlikdə eyni vaxtda qalmaq mümkün deyil.

Rusiyanın Xarici İşlər Nazirliyinin MDB ölkələri üzrə dördüncü departamentinin direktoru Mixail Kaluqin isə dünən bildirib ki, Rusiya tərəfi “Trampın yolu” təşəbbüsünün parametrləri və Moskvanın mümkün iştirakı ilə bağlı İrəvanla məsləhətləşmələr aparmağa hazırdır.

Ermənistan Milli Assambleyasının sədr müavini Ruben Rubinyan da dünən açıqlayıb ki, “Trampın yolu” layihəsində rusların iştirakı ilə bağlı hər hansı müzakirə aparılmayıb.