Ukrayna Prezidenti bu həftə Avropa liderləri ilə görüşəcək

Ukraynanın prezidenti Volodimir Zelenski bu həftə Avropa müttəfiqləri ilə yeni görüşlərin keçiriləcəyini açıqlayıb.

“PostMedia” UNIAN-a istinadən xəbər verir ki, o, yaxın günlərdə “könüllülər koalisiyası”nın geniş tərkibli toplantısının baş tutacağını bildirib.

Zelenski əlavə edib ki, Ukrayna Avropa İttifaqından reparasiya krediti alacağına ümid edir.

“Brüsselə uçuruq və orada Ursula fon der Leyen, Antonio Koşta və Mark Rutte ilə görüşəcəyik. Ediləcək ödənişlər barəsində qərarı Avropa Komissiyası verəcək.

Biz bu maliyyəyə ümid edirik, amma hər şey Avropadan asılıdır. Əminəm ki, məsələ həllini tapacaq”, – deyə Ukrayna lideri vurğulayıb.